ሶስት የአፍሪካ አገራት የመጀመሪያውን የወባ ክትባት ሊያገኙ ነው

tgonorham

ብጋዜጠኛ ተክለሃይማኖት ገብረመድህን ካብ ባህር ዳር ዩኒቨርሲትይ

ሶስት የአፍሪካ አገራት የመጀመሪያውን የወባ ክትባት ሊያገኙ ነው

tgonorham

ሚያዝያ 16፣ 2009

የአለም ጤና ድርጅት የመጀመሪያ የሆነውን የወባ በሽታ መከላከያ ክትባትን በሶስት የአፍሪካ አገራት ላይ በቀጣዩ አመት ጥቅም ሊያውል ነው።

ኬንያ፣ጋናና ማላዊ  ናቸው ለመጀመሪያ  ጊዜ  ጥቅም ላይ እንዲውል ይፋ  የሆነውን የወባ በሽታ ክትባት የሚያስተዋውቁት።

አር ቲ ኤስ የተሰኘው የወባ በሽታ ክትባት   የሰውነት በሽታን  የመከላከል  አቅም በወባ  ትንኝ አማካኝነት የሚከሰተውን የወባ በሽታ እንዴት አድርጎ ማጥቃት እንደሚችል ልምምድ የሚሰጥ ነው ተብሏል።

የአለም ጤና  ድርጅት  ክትባቱ በአስር ሺዎች የሚቆጠርን ህይወት የማዳን አቅም እንዳለው አመልክቷል።

tgonorham

ይሁንእንጂ  ክትባቱን በድሃ አገራት መጠቀም ከአቅም አንፃር የሚቻል መሆን አለመሆኑን  የሚገልፅ ነገር አለመኖሩን ቢቢሲ አመልክቷል።

ክትባቱ ስኬታማ እንዲሆን በየወሩ በተከታታይ  ለሶስት ጊዜ ያህልና ለአራተኛ ጊዜ ደግሞ ከ18 ወራት በኃላ  በጥብቅ ክትትል መሰጠት አለበት።

tgonorham

ለዚህም ነው የአለም ጤና ድርጅት ሶስቱን የአፍሪካ አገራት በሙከራ ደረጃ  መርጦ በቀጣዩ የአውሮፓዊያን ዓመት ወደ ስራ  እንደሚገባ ያስታወቀው።

በአለም ጤና ድርጅት የአፍሪካ  ዳይሬክተር  ዶ/ር ማትሺዶ ሞቲ እንደተናገሩት መልካም ዜና የሆነውን የወባ  በሽታ ክትባት በአገራቱ  ላይ የሙከራ  ውጤቱን  በማየት በቀጣይ በስፋት ለመግባት ያስችላል ብለዋል።  

ቢቢሲ እንደዘገበው በሙከራ ፕሮጀክቱ  750 ሺህ ህፃናት የሚካተቱ ይሆናል።

ተክለሃይማኖት ገብረመድህን

tgonorham